اولا انا برحب بكل الاعضاء اللي في المنتدي دة وبقول كل سنة وانتوا طيبين
ثانيا والله العظيم اقول الحق
الحب طبعا اهم حاجة في الدنيا بس ياريت نلاقي اللي يقدروا بجد ويعرف معناه
انا رومانسية اه بس واقعية بنسبة اكتر
مواصفات شريك حياتي انه يكون انسان متدين ويعرف ربنا ويحترمني ويقدرني كويس..... لسة ملقيتوش ادعولي.
بحلم اني الاقي فتي احلامي وارتبط بيه ونعيش في تبات ونبات ونخلف صبيان وبنات
هو الارتباط بحد قبل الارتباط الرسمي ساعات بيكون صح علشان يعرفوا بعض بس انا بفضل انه يكون ارتباط رسمي وفترة الخطوبة معمولة للتعارف
انا ممكن احب حد كان مرتبط بحد قبلي بس مكونش انا جيت في الوقت اللي هو بيحاول ينسي فيه الاولي
مكنش فيه قصص حب في حياتي خالص ولا دلوقتي بردو مفيش
الحب في فترة المراهقة ساعات بيكون مش حقيقي لانه بيكون حاجة جديدة علي الانسان فبيجربها وخلاص من غير ما يفكر
الخيانة انك تكون بتثق في حد كويس جدا ويطلع في الاخر مش قد الثقة اللي ادتهالوا دي
اللي ممكن يخليني اتشد للانسان انه يكون مثقف جدا وبيعرف حاجات كتير عن الدنيا والدين وكل حاجة
الحب من طرف واحد دة من اصعب حالات الحب في العالم كله وانا تقريبا كنت هدخل فيه بس لحقت نفسي والحمد لله
لا انا عمري ما جربت الحب الاول خالص
الحب من اول نظرة ساعات مش بيكون كويس لان انت لازم تعرف الانسان اللي قدامك دة علشان تتاكد انك بتحبه
لو بحب انسان واهلي مش موافقين عليه هحاول اعرف من اهلي ايه اللي رفضوه فيه ولو طلعت حاجات مقنعة اكيد هسمع كلامهم لانهم اكبر مني وعارفين اكتر في الدنيا ومحدش هيخاف عليا قدهم
الاغاني والقصص الرومانسية بحبها وبتاثر فيا جدا جدا
الحكمة(اذا اردت شيئا بقوة فاطلق سراحه فان عاد اليك فهو لك وان لم يعد فهو لم يكن لك من البداية)
انا كبنت من وجهة نظري مينفعش احب حد اصغر مني خالص لازم يكون اكبر مني
حب النت ممكن ينفع بس ميبقاش النت هو السبيل الوحيد للتواصل والكلام مع بعض
كثرة الارتباط بالنسبة للبنات مينفعش خالص طبعا
ممكن اتجوز براي اهلي بس لازم اكون انا مقتنعة بالانسان دة راي اهلي لوحده مش كفاية طبعا
هي طبعا الثقة لازم تتوجد بس طبعا لازم الواحد ياخد حذروه في اي حاجة مينفعش تبقي ثقة عمياء خالص
ثانكس يا هدير انا جاوبت اهو علي كل حاجة زي ما طلبتي عايزة اشوف اجاباتك انتي بقي وابداعاتك يا(عاشقة الرومانسية)
cheers:
الرئيسية 
أحدث الصور 
موضوع: محكمه الحب والرومانسية (هااااااااااااااااااام جدا لكل الاعضاء ادخلوها ضرورى) 
السبت سبتمبر 05, 2009 4:24 am
