قصه حياه الفنانه شيرين

البدايه الحقيقيه كانت حدوده بس حدودة ايه جميله اوي .شرين عبد الوهاب البنت الشقيه و شاب فنان ذي احاسيس عاليه * تامر حسني* وجات جمعتهم الصدفه بـ نصر محروس و جمعهم فعلا بديو ثنائي عشان يعملوا حاجه لكل حبيب و حبيبه فـ لو كنت نسيت او احنا نسينا فهما فكرورنا.
شقاوه طلعت صوت بيحمل معاني كتيره معاني فرح و حزن و مشاعر حب صدقه فليله من الايام و اه يا ليل على الي انت مخبيه

حتى لو خايفه و مرعوبه من جمهور لم تعرفه من قبل اتكشف الستار و طلت شرين بحزن عميق حزن اتلمس فعنيها قبل صوتها وقالت للي ابتدى بظلمها لا يا حبيبي.اطلالة ظهر منها وشها الحزين و عشان ترتاح سيبني هو كان حلها الوحيد.بس قلب المراه كبير و طيب و يتخطى كل الحدود فرجع قلبها قال انا فالغرام دايبه فلقينا الضحكه الجميله ارتسمت....ايه ايه يا شرين شكلنا حنحسدك.
سالناها: حبيبك وهو معاكي تقوليلوا ايه؟
ببساطه ردت: *حقلوا بتوحشني و انا وياك *

بس كلام كتير سمعناه و اتشاع عن لؤلؤتنا الجميله فردت ب:* كنت عارفه و اتاكدت ان جرح تاني جرح قلبي*.كانت متلخبطه يمكن متردده نوعا ما بس حولت انها متستسلمش و قالتلنا:* سيبني لمين؟ و نسيني ليه؟وهو نور عيني و حسه ان صبري قليل *
بس بص بقى معانا شرين سمعتنا اه لو جاني تاني.

بماانها اصبحت تعيش فدوامه قررت تبتدي صفحه جديده و تحط ايد على ايد مع نخبة جميله و عمالقه الفن الدرامي و روق وروق الدنيا كلها مع ميدو مشاكل

شرين طلت من تاني على حبايبها وعلنت:* قال ايه بعد النجاح حتى لو نجاح نسبي جاي يطمن عليا و قال صعبان عليه بس شرين خلص حتى لو بتقول بحبك قوي بس بيكفي .حتى لو مت من البعد كل شيء حلو فعنيا مع انوا كان منى عيني انك تيجي بس....الوداع يا اغلى الناس*

سنة 2004 كانت بداية خير فقد اهدت فراشة الفن المعاصر كل عام و انت حبيبي مع الفنان "فضل شاكر" لكل اتنين قدروا معنى الحب الحقيقي و خاصة فمناسبه زي دي.

بس مفيش مره زي المره دي و كان نفس كل من محبين شيري انهم يشوفوها سعيده و الي الامنيه اتحققت
واعلنت لنا قمرتنا مش عايزه غيرك بخطوبة جميلة
شرين باتت تعيش فسعاده و فرح لا يحصى مع الي ملك عمرها....ياه عين ونيني عليكي

رجعت شرين قالت ما بتفرحش غير لفرحك و الكل حس ان شبح الحزن رجع يطاردها من تاني واتاكدنا من دا بـ طمن قلبي يا قلبي....بس عشان مفيش حد حيظل على حزن كتير و اتاكدت ان فسخ الخطوبه هو الشيء الصح الي حتعملوا فتم بالفعل دا ...ومكنش و لا على بالي و لا المقربين منها ان دا حيحصل بس نقول ايه غير قسم و نصيب

لانها بتواجه نفسها بـ الي جرحني وخدت قرار ان هو اخر واحد ممكن تنزل عليه دمعه

بس من احساسي بشرين كنت بقول انوا ممكن يتهز قلبها شوية من كل الي حصل بس هيا عرفت الطريق و المشوار الصح و قالت بكل شجاعه و بناقص حياتي حكمل الحلم عشاني و عشان كل الي بيحبوني و لازم اعيش.