ابي حل

السلام عليكم ورحمه الله وبركاته00000
والله اني مو عارفه شنو اقول بس راح اقص عليكم قصتي واتمنى تعجبكم وقد ما اقدر راح اختصر فيها000
في يوم من ايام رمضان الفضيله وع اواخر رمضان بالضبط ومثل ما تعرفون انه اهالي البحرين عندهم عادات وتقاليد من زمان واهي انهم يحتفلون بوداع رمضان وهاي ما يسموونه(الوداع) المهم ذاك اليوم وبالوداع تحديدا كنت هناك والمكان كان يعم بالناس تعرفت ع شخص عن طريق البلوتوث ومع الايام بديت اكلمه بالتلفون وفي البدايه ما كنت حاطه في بالي اني راح احب هالشخص ولا شي بس كنت ابي اتسلى لاني وبصراحه كنت طالعه من تجربه وايد قاسيه وووايد تعبت منها المهم كلمت هالشخص ويوم بعد يوم ويوم بعد يوم بديت اتعلق فيه واميل له وايد وصدقوني ترى مو مني هو اللي خلاني اتعلق فيه واميل له وفوق هاي كنت اجوفه تقريبا كل يوم ومع الايام مو بس تعلقت فيه الا حبيته وهو بعد ويوم بعد يوم وحبنا كان يكبر ع العلم انه الشاب مو من ديرتنا حبيت كل شي فيه صرت ما اقدر استغني عنه اليوم اللي يمر من غير ما اسمع صوته ما احسبه من عمري وصار لي الهوى اللي اتنفسه والماي اللي ارتوي به وهم هو نفس الشي كبر حبنا لحد ما تتصورنه المهم بعدها قررننا نكمل هالقصه بالزواج ولما راح كلم اهله ارفضوني بالتحديد ابوه اللي يبيه يتزوج بنت عمه والله ومن ذاك اليوم واحنا في صيحه وقررنا نواصل مع بعض ومحد راح يبتعد عن الثاني بس مع الايام هو تغير وصار ما يبالي وعلى الرغم اني ما قصرت معاه بشي تحاشيت هالموضوع انه تغير وكل مره اقول راح يحس من نفسه انه تغير وما راح يصير الا الخير لكن للاسف تمادى لحد اني خلاص زهقت روحي وكرهت روحي وكل ما في القصه اني تحديت اهلي عشانه امي وخالتي ع علم اني ع علاقه معه ويوم قال لي انه ابوه ما راضي ياخذ وحده مو من العايله ما قلت شي قلت بصبر وبجي اليوم اللي راح نتخطى هالعقبه مع الايام قلت لاهلي وامي قالوا لي تركيه وخليه عنج بس للاسف ما قدر مثل ما قلت لكم هو الهوى اللي اتنفسه المهم ما طول عليكم ادري زهقتكم هو ما عنده الجراه اللي يواجه اهله فيها وانا ما عدت قادره اني اتحمل زود ع الرغم من تقصره بحقوقي وانا اللي ما تهاونت في حقوقه احبه وماقدر انساه او اني اخليه وهلي قاعدين يلحون اني انهي علاقتي فيه مو عارفه شنو اسوي ابي ردودكم في اقرب وقت