الحب قديما

كلام قالوه زمان فى الحب اشكال والوان
قالوه كتير وعادوه وعلى الربابه غنوه
والله احلى كلام من القلب بيطلعوه
وكلنا بنعرف نتكلم عن الحب كتير ونعبر
وكل واحد بطرقته فى الحب يعرف يقول حكايته
الحب احساس مش كلمه بس بالكلمه بنعرف نعبر
فيا قلبى قولهم يقولولنا بصدقهم الحب عمل ايه معاهم ومع اللى زيهم
حبيت بجد طيب قول مش هتعرف تخبى على طول
بيقولوا مرايه الحب عاميه مع انها مليانه عيون
وبيقولوا كمان الحب زى الدخان متعرفش تخبيه
والله ياحب تعبتنى ومن كلامك حيرتنى
واقف هنا جنبك وانت ولا همك
ايديك فى الحب سخيه بس اه لو جرحت ايديك فى الجرح عفيه
حبيت بجد من قلبى ونفسى اقولكم حكايتى
حكايه حب كبير وانا فيه عايش سعيد
قابلت بنت وعجبتنى من كلامها الحلو شدتنى
تعبت كتير علشانها وكلمتها وكلمتنى
قولت نبداء رحلتنا وبالحب تكون بدايتنا
من قلبى بجد حبيتها وكل عمرى اديتها
وهى كمان اموره وبحبى كانت مبهوره
وتلف الدنيا بينا وتغير لون ليلينا
فى الحب خدنا وعود ومنها بقت عهود
نكون على الحب امنا وما حد فينا يخون
فى حبى كنت امير وفى حبها كنت اسير
عشت الحب بقلبى ومحدش فى الدنيا قدى
عرفتها وعرفتنى وحبيتها وحبتنى
على ايديها عرفت الحب وبقى للدنيا طعم
ياقلبى ايه جرالك نبضدك زياده ليه
من الحب ولا ايه اللى جرالك
ياقلبى قوللى وفهمنى انت كده هتجننى
والله ياحب دفتنى فى ليله شتاء بردها كان هيموتنى
معاك ياحب عايشين وفى كلامك مش ساكتين نقول ونعيد ونزيد ومنه مش زهقانين
بالحب تعرف تعبر بكلام عن اللى فى قلبك وتخلى حبيبك عن حبه يعرف يعبر
وفيه حاجات كتير تشهد على الحب الكبير
شجر وورود وجناين وكراسى وحجات كتير والله لو اتكلمت تعرف تقول مواويل
وطبعا وعلى كل حال بتتغير الاحوال
وحبنا بقى حكايه تتقال على كل لسان
ودى نصيحه منى من واحد حب كتير وفى حبه كان امين
اوعى ياصحبى فى يوم تغدر على حبيبك ولا تخون
لو جربت الغدر مره عمرك ما هتعرف تصون
بالبلدى كتبت قصتى عن حبى وكل فرحتى
فحب ياصحبى ولا يهمك المهم تكون امين
وندعى ونقول يارب زود الحب فينا علشان نعرف نحب بعضينا
والله ياقلبى تقول متخفش من اللى يكون
خليك فى الحب قادر وبالكلام دايما بادر
وفى اخر قصتى وعلشان تكمل فرحتى
شبك ايدك فى ايدى ونرفعهم لفوق نتحدى يالا الزمن ونكون على طول لفوق
فى حب انا وانت هنا على طول متجمعين بحب وصدق كلامنا
يحفظنا رب العالمين
ولكم تحياتى وشكرى ويارب تعجبكم

احب اشكرك علي الموضوع ده زبصراحة مواضيعك كلها شيقه