الرومنسيه
اذا كنت عضو نرجو الدخول اذا كنت زائر نرجو التسجيل

الرومنسيه

منتدي رومنسي لعشاق الرومنسيه
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  الأعضاءالأعضاء  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 انواع الاولاد على النت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هدير
مديرة المنتدي
مديرة  المنتدي
avatar

عدد المساهمات : 267
نقاط : 802
السٌّمعَة : 3
تاريخ التسجيل : 25/02/2009

مُساهمةموضوع: انواع الاولاد على النت   الإثنين أكتوبر 12, 2009 7:02 am

انواع الاولاد على النت


المرحلة الأولى : الي يدوبك لسه متعلم يدخل نت



طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت




والنوعية دي تنقسم لقسمين




يا اما متحمس وحط في دماغه موضوع النت وعايز يتعلم
يا اما سمع من صحابه عن النت والبنات وجاي يجرب حظه


المرحلة الثانية: الي بيقعد على النت بس مش كتير



النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي



والنوعيه دي تنقسم الى قسمين

يا اما يبقى لحوح ويفضل يطلب نفس الطلب وصباح الملل
يا اما يبقى عنده عزة نفس وميلحش بس هيتعصب وهيقولك اعمليلي بلوك







المرحلةالثالثه : الي قاعد على النت ليل نهار

ده بقى شرحه يطول وينقسم لعدة انواع

المقموص
ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت






ابودم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك




المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه




اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟




الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت




الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه




حريقة بنات
ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه




الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب



العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه




بابا



ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة






***************************************************************

انواع البنات على النت




النوع الاول :- فشااااااااااااااار ( موجود بكثره .. هتكلم واحده هتاخد اتنين مجانا ) والنوع ده بقى دايما عايش فى المهندسين .. مصر الجديده .. وسط البلد وغالبا ما يكون مدينه نصر ) وطبعا يا اخويا مش هحكيلك على العربيه الاحدث موديل ولا على اشتراك النادى ( الاهلى - الزمالك - الصيد - الشمس - ....... والبقيه تاتى ) ودى دايما يا بتلعب تنس يا اسكواش .... ... وهما فى الاصل بينتموا لمركز شباب الحبانيه ....... حدث ولا حرج ولو جينا للشكل ... الشعر اصفر .. والعينين خضرا ( واليومين دول تلاقى الوان جديده للعينين احمر وبنفسجى و...و....و ........ بيجيبوها منين يا خويا ) وطبعا البياض مش هقولك انت فاهمنى طبعا وبعدين تاتى الصدمه لما يرووووح الشاب الغلبان عشان اول مقابله وهنا تحدث المفاجاه .... ( مبروك كسبت موعد غرامى مع ملكه جمال قلعه الكبش ) ... ااااااااااه يا زمن.






النوع الثانى :- (مش بكلم ولاد ) .... والنوع ده بقى هوه اللى يجيب الضغط يا خويا .... تدخل الشات وطبعا زى الغلبان عايز تتعرف تكون صداقه .. شىء طبيعى ... فتقولك ( سورى مش بكلم ولاد ) وفين وفييييين بعد ساعه من المحايله على صحبه الصون والعفاف توافق انها تقول اسمها .... (ما كان من الاول ) والنصيبه يا جدع تقولك مش بكلم ولاد وتلاقى الجهاز مفتوح فيه خمستاشر صفحه برايفت ..... حرام عليكى الكمبيوتر اشتكى ...... واللى يغيظ اكتر واكتر .. ان النوع ده فى الشات ماتلاقيهوش على العام طيب انت بتعمل ايه ...... ....



النوع الثالث :- ( البسكوته ) حاجه كده هستك فستك ..... والنوع ده بقى تلاقيه ياخويا يرفع الضغط تلاقيها بتقعد تدلع الكلام بطريقه غريبه .... على سبيل المثال وليس الحصر ( اسيك = ازيك .... انت عثل = انت عسل .... دقيقه وكايه = دقيقه وجايه ..... بتكزف = بتكثف )...... وهلم جر ... ايه ده يا اخواتى ده هطق .......حرااااام ولما بقى تيجى تتكلم معاه فى اى موضوع يقولك بلاش نتكلم فى الموضوع ده ..... طيب هنتكلم فى ايه ..... ....
واللى يغيظ ان جميع الانواع عندها نفس الاجابات لنفس الاسئله يعنى اجابه موحده ....
على سبيل المثال لو تقولها ممكن تكلمينى عن نفسك تكون الاجابه المعتمده ..... مش بعرف اتكلم عن نفسى...اسال وانا اجاوب ...... (وحياه ابوكو غيروا بقى .... )......




النوع الرابع :- (هيافه للابد ) ....... وهذا النوع يتدرج تحت بند عجائب الدنيا السبع ... واسمع بقى يا سيدى واتفرج على نص الحوار اللى مش هتشوف غيره طول ما انت مع النوعيه دى ..... ... شوفت اخر فيلم فى السينما ؟؟ ... سمعت اغنيه المطرب سيد الضلم ... اغنيه جامده موووووت .... امبارح جبت فستان زى بتاع حنان ترك بالزبط ..... تحفه ... انا مصاحبه شويه شباب شلتنا يعنى بيعملوا شويه حاجات مجنونه .... ياااااااى ....... شوفت البنت اللى انتحرت عشان خاطر حبيبها ... يا حرااام ..... .... وجرب كده تكلماه فى اى حاجه من المواضيع العامه زى انفلوانزا الطيور وقولها تعرفى ايه عنها

تقولك : هيه دى اللى كانت فى المسلسل بتاع شانل تو ...... حاجه تفرس مش كده ..... وطبعا الشاب مننا كل اللى بيعمله انه بيقوم ويطفى الكمبيوتر بعد ما يكون قضى اهيف ربع ساعه فى حياته ... .... اه يا قلب
ى يا كتاكت ياما انت شايل وساكت



النوع الخامس :- (المعقـــد ) ..... وهذا النوع ننصحك ان تتعامل معه من مبدا انك=======>( بتتعامل مع موسوعه )....... ....لانك هتسمع كلام غرييييييييييب ... وتلاقيها بتقولك .. انا بطبق فى حياتى مبدا الفيلسوف مصطفى ابو شفه .... وباخد عبر من تجارب العالم توفيق شنبو (علماء من العالم الخارجى )..... ... وتلاقيها بتسالك وتقولك ايه رايك فى موقف المتطرفين فى دوله ( تفهنا العزب ) ..... او تقولك انت مش متعاطف مع اللاجىء السياسى من دوله ( عش الدبابير ) ... ده موقفه محرج جدا وفجاه وبدون سابق مقدمات تلاقيها بتحكيلك عن ...... التركيب الكيميائى عن ثانى اكسيد كبريتات العنب ...... وطبعا كيف يوثر المركب الكيميائى المسمى بــ (علف الكراويه)
على حياه سكان الفضاء الخارجى ...... .... يا خبر اسود ايه ده يا جدعاااااااااااان .... ونصيحه منى لو وقعت فى النوع ده اوعى وبقولك اهوه اوعى يكون ردك مش فاهم ..... .... او انتى بتتكلمى عن ايه ..... عشان هيكون ده مصيرك =======> ... ...... والشاب مننا بعد الحوار العلمى اللى مالوش حل بيكون اتحول من كتر العبقريه لمجنووووون .... ======> ...... ( هوه ده نصيبنا يا شباب ) .....


النوع السادس :- ( شيال الحمول ) ...... اتبرع ولو بجنيه ..... ...........وهذا النوع يحسسك بانك بنى ادم معندكش دم ..... زى الدبشه .... وتلاقيها فى كل كلامها بتحكيلك وتقولك ... اشى مره بتصرف على اخواتها ..... ومره انها مجروحه من حبيبها اللى خدعها ..... ...... وتقولك انا حاسه ان الدنيا كلها واقفه قصادى...... على راى المطرب حسن الاسود (انا اللى كلى جروح ومن الزمان مجروح ) .... اهىء اهىء ...... ( دموع التماسيح ) ..... وطبعا بعد ما الشاب الغلبان يسمع ده كله يقوم من على الجهاز وهو فاقد اخر امل ليه فى الحياه ....... ويلبس النضاره السودا ....... ويفكر فى الانتحار ... .......


وده يا شباب كان باختصار بعض التوضيح اللى كان لابد منه ... لبعض الشخصيات ومش كلها اللى بتبقى موجوده على النت ..... من البنات ( الطف الكائنات قديما ) ......
عشان كده لازم بعد ما كشفتلكوا الحقيقه المره نعمل وقفه .... وتكون جامده .... عشان يعرفوا اننا مش نايمين ولا مخدوعين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la 7oob
مشرف رسائل المحمول
مشرف رسائل المحمول
avatar

عدد المساهمات : 174
نقاط : 237
السٌّمعَة : 16
تاريخ التسجيل : 07/08/2009

مُساهمةموضوع: رد: انواع الاولاد على النت   الأربعاء نوفمبر 18, 2009 1:10 am

ههههههههههه
نايس
فعلا زى ما بتقولى كده انا اعرف نوعيات من دى كتير
وانا ممكن اكون واحد منهم
بس مش عارف انهى مش فيا حاجه مميزه
طيب مفيش اناوع البنات ع النت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هدير
مديرة المنتدي
مديرة  المنتدي
avatar

عدد المساهمات : 267
نقاط : 802
السٌّمعَة : 3
تاريخ التسجيل : 25/02/2009

مُساهمةموضوع: رد: انواع الاولاد على النت   الأربعاء نوفمبر 18, 2009 1:47 am

لو كنت قريت الموضوع كله كنت عرفت ان النص تانى فيه برضو انواع البنات على النت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انواع الاولاد على النت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرومنسيه :: قسم المواضيع الفرعيه-
انتقل الى: