ياترى أضل راجل ولا أضل حيطة!!!!!!!!!!!!!!!!!!!!؟؟؟؟؟؟؟؟؟؟؟؟

ديما بيقارنو الراجل بالحيطة مش عارفة لية
بس بالصدفة لقيت احصائية علمية موثوق فيها بتقول
ان الدراسات اثبتت ان الحيطة احسن من الراجل
واليكم الاحصائية



وقفت الست بهية على كوم عالى وبدأت تخطب وسط الحريم المرصوصين على المصاطب :
قال بيقولوا ضل راجل ولا ضل حيطة ... !
بذمتك عمرك سمعتى عن حيطة تقعد تشخر طول الليل وماتخلكيش تعرفي تنامي ؟
والا حيطة تدخل من باب البيت تجعر عايزة الغدا ؟!
وبعدين تطين عيشتك علشان الملح طلع زيادة في البامية !
والا ممكن ترجعي البيت في يوم تلاقي حيطة بتبوس الخدامة ؟
طيب شفتى حيطة تملا لك سقف البيت دخان ، وأرضيته سكن !
والا حيطة تقعد تنكد عليكي وتقولك انتي رايحة فين وجاية منين !
والا حيطة تدوخك وراها علشان تشوفي هيه بتكلم مين في التليفون بعد نص الليل !
طيب دي الحيطة معروف مكانها دايماً ، إنما المحروس يدوخك وراه علشان تعرفي هو سهران في أنهى داهية ... قال إيه ، عنده شغل ! ياسلام !
بذمتك فيه حيطة تحاول تطلعك غلطانة في كل كلمة تقوليها علشان تثبت للعيال إن الحيطة بتفهم أحسن منك .
والا حيطة تلوى بوزها وتقعد بالفانلة وروب النوم لما أمك تيجي تزورك
وتحبك معاها تحكي نكت عن الحموات !
والا حيطة تقعد تقولك ما تخرجيش بالفستان ده أحسن محزق عليكي ولما تقولي لها هاتى فلوس علشان تشتري فستان غيره تعمل ودن من طين وودن من عجين ، طيب دى حتى الحيطان لها ودان .
يا شيخة بلا قرف ... بلا نيلة ... الحيطة أجدع .



بس من غير زعل
ويارب تعجبكو

ميرسى ليكى جدا يالولو ان الموضوع عجبك فعلا عنها حق تنت بهيه ههههههههههههههههههههههه

ميرسى ليك يا محمد على رايك ويارب مواضعنا تفضل تعجبك