الرومنسيه
اذا كنت عضو نرجو الدخول اذا كنت زائر نرجو التسجيل
الرومنسيه
اذا كنت عضو نرجو الدخول اذا كنت زائر نرجو التسجيل
الرومنسيه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الرومنسيه

منتدي رومنسي لعشاق الرومنسيه
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 يوميات مواطن رخم

اذهب الى الأسفل 
كاتب الموضوعرسالة
هدير
مديرة المنتدي
مديرة  المنتدي
هدير


عدد المساهمات : 267
نقاط : 802
السٌّمعَة : 3
تاريخ التسجيل : 25/02/2009

يوميات مواطن رخم Empty
مُساهمةموضوع: يوميات مواطن رخم   يوميات مواطن رخم I_icon_minitimeالإثنين أغسطس 10, 2009 12:48 am

يومياتى مواطن رخم

--------------------------------------------------------------------------------

يوميات مواطن رخم


هذا العمل عبارة عن حلقات متسلسلة قصيرة كوميدية تحكى يوميات مواطن رخم اسمه حنفى وكيفية تعامله مع أمور الحياة.

الحلقة الاولى : فى البيت



(حنفى نازل الشغل الصبح بدري


الزوجة : انت نازل الشغل ياحنفى


حنفى : لا , نازل ألعب كوره , ياولية بطلى الاسئلة المتخلفة دى

الزوجة : طب بس براحة عليا شوية ده احنا لسة على الصبح يعني

حنفى : هو انتى اللى شافك يبقى شاف صبح , مش عارف أنا ,كل يوم الواحد يصطبح بالخلقة دى


الزوجة :استغفر الله العظيم يارب , ايه ياراجل انت , هو انت راكبك عفريت ولا ايه؟


حنفى : وهو برضه فى عفريت يطيق يقعد فى شقة انتى قاعدة فيها


الزوجة : طيب ياسيدى , أنا مش هرد عليك , هات مصروف الشهر عشان أنا نازلة السوق كمان شوية


حنفى : ليه ؟ هو النهاردة كام فى الشهر؟



الزوجة :النهاردة أول يوم فى الشهر ياحنفى و مافيش ولا مليم فى البيت


حنفى : ياولية هو انتى منبه بيضرب أول كل شهر ؟ مافيش مرة كده تحصل معجزة وتنسى موضوع المصروف ده؟


الزوجة : قصر ياحنفى وهات الفلوس عشان اشوف اللى ورايا


حنفى : والله ياختى ! مهمة أوى سيادتك , والحاجات اللى وراكى مقطعة بعضها , ومش لاقية وقت ياعينى


الزوجة : اللهم طولك ياروح .... ياراجل انت هو انت مافيش يوم تعديه كده من غير خناقة


حنفى : وهو انت حد يشوف وشك ومايتخانقش , طب ايه رأيك بقى مافيش فلوس النهاردة ويبقى اتصرفى انتى بقى .ان شا الله تعملى الاكل
زيت وملح


الزوجة :حنفى


حنفى : ياست بقى , بلا حنفى بلا حنفية , أنا خافى فى داهية , الهى يارب أرجع الاقى الانبوبة فرقعت فى وشك.:


(وبعدين يرزع الباب وينزل )
الرجوع الى أعلى الصفحة اذهب الى الأسفل
 
يوميات مواطن رخم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرومنسيه :: قسم المواضيع الفرعيه-
انتقل الى: